使用條款 | 私隱政策

【大選之後】韓粉好崩潰 有長輩劈酒 有人教路點樣移民過對岸

 

台灣大選,蔡英文大勝韓國瑜連任。

有睇開台灣新聞都知,唔少韓粉上年紀,依然好熱情。

而家「韓導」敗選,鏡頭前影到好多uncle auntie哭成淚人,慘慘豬喲~

 

有網友喺ptt討論區問各位鄉民「你地屋企嘅韓粉爸媽過得好嗎?」,

因為佢家中2個長輩,一個飲酒飲咗一晚,晏晝仲宿醉緊;

另一個就坐喺梳化唔開電視,成個人呆呆滯滯。

於是原po主問「以上兩個長輩好像受傷很嚴重,不知道該怎麼安慰,不知其他人的韓粉長輩是不是也有一樣的狀況」。

唔少人都話屋企變得好靜,氣氛好凝重,

本來成日都會收到訊息嘅group chat一係就靜英英,一係就單機狂鬧!

似乎唔少老友記都好大衝擊,真係要關心下。

原文傳送門

既然改變唔到個局面,可以考慮下自己主動「兩岸一家親」。

台灣facebook 專頁「讓狂人飛」就用簡體字教路,

台灣人點樣先可以移民到對岸。

原來要成為「真正中國人」好難,最可行係同人結婚,

又或者取得專家證書,再申請工作簽證,

再唔係就去讀書,拎個學習簽證。

仲有一個方法︰成為香港人,住滿7年,有三粒星就可以北上居住唔使簽證!

喂,5百幾萬韓粉咁大個市場,幫台灣人搞移民投入祖國懷抱,

有得諗!

最近的19+幾樣野

【自我隔離】父母救星!幾萬張填色畫 工作紙 完全免費

偽造病毒檢測報告 淘寶有得賣

有樣學樣 網紅舔廁所後疑似確診新冠肺炎

空貨架前來遲一步 伯伯背影睇見心酸

防脫髮變勁脫髮 絲打用錯洗頭水變火雲邪神

西洋明星戴口罩 邊個戴錯晒?