使用條款 | 私隱政策

日本珍珠奶茶大熱 華裔買手入9噸珍珠賣唔出

 

珍珠奶茶呢兩年忽然紅遍全球,日本更加係乜都加珍珠,

珍珠拉麵珍珠雞尾酒珍珠pizza乜乜乜,

甚至飲完珍珠奶茶都要拎住個杯周圍行先至潮!

 

日本一個電視節目介紹一間專門處理行將過期食物嘅公司aimrise,

由食品廠或者入口商拎貨,再轉手俾食肆、超市,

咁就一家便宜兩家著,又唔怕浪費。

咪以為過期嘢冇人要,呢間公司一年生意額過千萬港紙!

節目入面一個個案,有貿易公司搵aimrise幫手,

原來貿易公司華裔職員王小姐,眼見珍珠奶茶大熱 ,於是自己拎錢入貨,

買咗大量珍珠粉圓準備轉售。

有幾大量?3000包每包3公斤,即係9噸,價值700萬yen,大約50萬港紙。

不過王小姐事前冇同店家了解過市場需求,

搵客之際先發現飲品店都有自己固有嘅門路入貨,

而且珍珠質素各有不同,換供應商可能影響口味,

通常唔會亂入貨。

王小姐攬住一大lot喺 9月到期嘅貨,真係一殼眼淚,

惟有透過老闆搵aimrise求助,蝕少少好過冇。

 

Aimrise社長都話,咁大批貨真係有難度!

好快佢地就打電話同出街搵客,當然反應麻麻,

好在有間網吧願意要晒成批貨,唔使問個價一定俾人㩒低啦。

不過總好過血本無歸,因為估計王小姐而家只係需要蝕2萬幾蚊港紙。

睇完呢單,我覺得學到好多做生意嘅奧秘!

1,事前做足功課

2,動吓腦筋就搵到商機

3,食潮流條水唔係咁易

原文傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款