使用條款 | 私隱政策

單親媽冇帶尿片俾托兒所 職員喺B仔肚皮寫字「提醒」

 

湊仔有幾忙,做父母一定明。更何況係單親媽?

美國佛羅里達州一位單親媽,喺facebook貼文,講咗一單激氣事。

 

事緣係主人翁Heather一個人湊住2個年幼細路Milo 同Fin之餘,仲要返工搵食。

Heather要送小朋友去托兒所照顧,

而職員每次都會喺小朋友個餐盒度留紙條,

報告返小朋友當日情緒、幾點換過尿片、有冇足夠尿片等等。

 

Heather話可能自己冇為意職員有喺紙條提醒佢要帶尿片,

有日接Milo返到屋企,換片時發現佢肚皮俾人用箱頭筆寫住

Mom I’m out of diapers Pls read my report

(媽咪我啲尿片用晒,記得睇字條)。

Heather 補充個仔已經唔係第一次俾職員「留言」,

而且佢接仔嗰陣有職員喺度,點解唔直接提醒而係「寫字」?

Heather用濕紙巾抹咗幾次都抹唔甩,本來帶仔去沙灘玩嘅計劃都要取消。

事件曝光之後,有關托兒所表示涉事職員違反專業操守,

已經即時被炒。

Heather一度考慮唔再帶個仔返去呢間托兒所,

但因為冇其他選擇,只好打消念頭。

 

唔少網友都撐Heather,認為咁做好過份。

亦有人認為「不如你搞唔掂就唔好生兩個啦」。

有做過托兒所嘅網友就話,好理解職員成日要面對家長冇帶片嘅情況,

而且十分頭痛,但係唔認同要咁做。

 

其實隨手都諗到例如「用院方提供尿片要收錢」、

「打電話提醒家長」、「攝多張紙仔喺BB尿片上面」之類方法,

點解要寫大字呢?

原post傳送門

最近的19+幾樣野

網民翻睇Anson Lo與舊愛訪問 女粉絲跪求ViuTV:唔好再逼佢扮直

懶理Anson Lo性取向報道 網民譜新一代粉絲價值觀:偶像要有私生活

Mirror Error周五現身屯市 市民今霸位等30小時 有人要求區議員代排隊

網上訂放題已預先付款 食客到餐廳竟無檯 老闆:訂完要再book

「我不是機械人」驗證圖片考起網民 30次失敗放大鏡用埋 背後竟為Google免費打工

網民分享做殯儀土工經歷 底薪$1.2萬要夾八字 靠偏門賺外快

港男擲二萬元參加人生課程 唔返工朝10晚12受訓 女友憂墜傳銷陷阱

港男視性愛娃娃為老婆 送iPhone卡地亞 恩愛合照組家庭逾30國報道

「我老婆嫁左比Mirror」13萬人關注 鏡粉老公P圖結婚相自己變Anson Lo

印傭姐姐欲直接用手食飯 僱主處理手法獲網友讚尊重文化