使用條款 | 私隱政策

網傳「政府搜購口罩」 原來係要廠家投標?

 

全民搶口罩,不過特首出嚟見記者都話港府嘅全球搜購工作都唔係幾成功,

因為大家都一齊爭緊。

香港冇廠生產,想要貨唯有外求,

但係冇網友就話,香港嘅「搜購口罩工作」,同我地想像嘅有出入。

 

呢個講法係話,港府係邀請全球口罩生產商,參與佢地嘅投標,

咁即係要填好大份標書,仲要等政府揀價錢合理嗰位,

而唔係出錢同人搶貨。

網民質疑既然全世界都不問價咁爭緊口罩,

而政府嘅招標都係價低者得,交唔到貨又會有罰款等等,

試問邊間廠而家會咁得閒?

小編上政府物流服務署check check,又真係搵到一個投標項目

係1月31日發出,主要為政府物流服務署供應手術用口罩,合約為期12個月。

而數量就係5700萬個,截標日期係2月21日中午。

公告入面冇講到幾時公布中標結果,不過快極當2日扑鎚,

簽得約再趕工,會唔會最快要4月先有?

 

 

嗱,公布啲,定係呢批口罩都係原本按計劃呢段時間收標書,

而唔係為咗抗疫先出呢?

咁就要政府回應一下嘞。

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal