使用條款 | 私隱政策

【真係搶】扣起人地批貨 內地市政府爭相搶口罩

 

個個呢期都搶口罩,「2盒thx」成為呢幾日最多人留嘅言。

 

搶口罩唔止出現喺民間,連內地各個市政府都出招,

甚至不惜扣起人地批貨。

 

話說重慶以及其他城市,一批口罩被雲南大理市扣起。

當呢幾個地方單位發信請求大理放行,

大理嗰邊話已經將批貨分發俾前線醫護人員……

咁梗係一秒激嬲全世界啦。

之後國務員下令,地方政府「不得截留調用醫療物資」,

過幾日,雲南省政府都「割席」,批評大理嘅做法。

大理市只好道歉同答應還口罩。

《環球時報》老總胡錫進都幫口大理市以及雲南省反應快速。

呢單嘅花生剛剛食晒,又有另一單。

青島市政府向青島海關提出,一批由韓國進口嘅10萬個N94口罩,

以及由日本進口嘅N95,都似乎被瀋陽海關扣起。

更絕嘅係,呢封信入面,青島市府希望海關以「對等原則」,

處置一批瀋陽向韓國訂、包括口罩嘅防護物資,

你做初一我做十五!

 

喺花生都未開得切之際,青島有關方面已經回應,

話已經撤回呢份文件,亦有講法係文件根本無發出,

只係有人流出咁話。

既然咁大個市政府都會拎人地啲口罩「應急」,

係咪當堂明晒點解平民百姓上網訂完然後俾人「偷天換日」?

原post傳送門

最近的19+幾樣野

美孚街坊見伯伯用爛口罩 即買兩盒捐增:喊出來

女傭偷口罩塞入褲內 放回原位讓僱主戴異味臭罩

疫情下遭裁員 港爸憂兒子起搏器費用跪求一份工

大圍名城租盤冷氣一開二 隔離房唔開冷氣點算?

中環老店尋貓酬乳豬 遭網民罵:為貓殺隻豬

泰國民運高唱「哈姆太郎」 創意背後令人心酸

NBA閉門復賽 300觀眾竟可「坐在場邊」

吉野家分店接連結業 致命因一個牛肉飯食譜?

小小超公司袋保就業$3.4億 發展網上睇醫生

宣道園登熱門搜尋 度假營鬼故成另類回憶