使用條款 | 私隱政策

抗疫謬誤逐個fact check 食蒜頭常飲水有冇效?

 

恐慌同無知比疫情更可怕,有電視台訪問街坊,

受訪嘅阿姑話「飲多啲涼茶,無事」,嘩!

 

咪以為得呢類流言,外國人都有好多!一齊睇吓邊啲真邊啲假!

 

蒜頭可以防病毒?

雖然世衛話蒜頭有防止微生物生長的特性(btw 世衛講嘅仲信唔信得過?),

但係未有證據顯示可以對抗冠狀病毒,暫時亦未有食物有咁嘅功效。

有無益都好,食得太多一定傷身。

有報導話,一名女子因為食咗1.5公斤生蒜頭,

搞到食道嚴重灼傷!

 

伏特加當消毒酒精得唔得?

酒精搓手液賣斷市,港大藥劑學系出咗條片,

教大家點樣自製搓手液。

話晒真係大學專門學系,點都有根據;

但係外國流傳嘅酒精搓手液配方,係教人用伏特加整!

有學者話,要有效消毒,酒精濃度至少60-70%,

而伏特加只有大約40%,所以……都係用嚟飲好過。

 

銀水能治病毒?

美國有宗教界人士喺網上節目聲稱,飲含有銀微粒嘅水,

12小時內可以殺死冠狀病毒,甚至有效消毒、改善免疫系統。

不過事後佢地補飛話無測試過係咪可以殺埋新冠病毒,

而美國當局都澄清,根本冇咁嘅功效,甚至可能損害腎臟,

銀亦唔似其他礦物質咁,對人體有任何功效。

而家facebook已經會過濾呢類流言,彈個fact-checking提示俾你。

 

飲水沖得走病毒?

唔飲「銀水」,飲水又點?

另一個流言係「日本醫生」話每15分鐘飲一次水,可以沖走入咗個口嘅細菌。

荒謬?呢個post譯成阿拉伯文之後,喺網上有25萬次share!!

牛津大學嘅學者好直接咁話

「將呼吸道病毒沖去腸道呢個理論,完全冇生物學機制支持」。

 

由搶廁紙到上面一堆謠言,究竟呢隻冠狀病毒,

係攻擊個肺,定係個腦?

原文傳送門

最近的19+幾樣野

【自我隔離】父母救星!幾萬張填色畫 工作紙 完全免費

偽造病毒檢測報告 淘寶有得賣

有樣學樣 網紅舔廁所後疑似確診新冠肺炎

空貨架前來遲一步 伯伯背影睇見心酸

防脫髮變勁脫髮 絲打用錯洗頭水變火雲邪神

西洋明星戴口罩 邊個戴錯晒?

點洗手先最乾淨 紫外光燈照俾你睇