使用條款 | 私隱政策

擺酒兩度遇波折 一場不設堂食嘅婚宴

 

喜事遇上疫症,任何人多聚集嘅地方都去唔過,

呢期擺酒嘅新人真係好頭痕。

 

網上就流傳一張圖,有網友貼出照片,

只見一袋二袋外賣,入面係喜宴常見菜式,

仲話係「結婚酒席,不設堂食」。

 

據了解,紅磡一間專營婚宴酒家,日前真係有呢場「外賣」喜宴。

一對新人原定去年11月擺酒,

但係當時因為反修例運動而要推遲,

點知又遇著新型肺炎。

為免再三改期,新人決定搞一場前所未有嘅婚宴。

 

酒家亦都證實確有其事,常見婚宴流程好似新人進場、致詞、播片等,

一切如常,席間只係提供飲品,

然後酒家將菜式用外賣盒包好,俾賓客拎返去享用。

網友對咁樣擺酒反應不一,

有人覺得浪費好多外賣盒唔環保,

亦有人認為完成成個過程先派食物,好似唔太周到。

 

成日有人話「婚宴只係一晚,婚姻先係主菜」,

呢對新人應該會好明白呢個道理。祝你地幸福美滿。

原post傳送門

最近的19+幾樣野

美孚街坊見伯伯用爛口罩 即買兩盒捐增:喊出來

女傭偷口罩塞入褲內 放回原位讓僱主戴異味臭罩

疫情下遭裁員 港爸憂兒子起搏器費用跪求一份工

大圍名城租盤冷氣一開二 隔離房唔開冷氣點算?

中環老店尋貓酬乳豬 遭網民罵:為貓殺隻豬

泰國民運高唱「哈姆太郎」 創意背後令人心酸

NBA閉門復賽 300觀眾竟可「坐在場邊」

吉野家分店接連結業 致命因一個牛肉飯食譜?

小小超公司袋保就業$3.4億 發展網上睇醫生

宣道園登熱門搜尋 度假營鬼故成另類回憶