使用條款 | 私隱政策

化行妝細路超浮誇 唱歌讚頌《方艙醫院真神奇》被狠插

 

抗疫時期,總會有有心人唱首歌打打氣。

早兩日,《湖南日報》旗下網站發布一條「少兒歌曲」MV,

首歌叫《方艙醫院真神奇》。

 

In case你唔知,方艙醫院即係武係其中一個治療肺炎嘅地方。

近日上面疫情緩減,似乎可以輕鬆一下,

有關方面就做咗呢首歌。

 

都未聽,一睇個MV就知不得了。

 

唱歌嘅細路范銘軒,一睇造型化妝,就諗起嗰啲兒童雜技團,

個咀仔好紅,個粉底好粉!

加埋MV入面嘅搖頭擺腦動作,以及首歌完全唔係呢個年代風格嘅編曲,

你點會相信睇緊嘅竟然唔係舊片?

 

原片嘅介紹係話首歌「歌曲情緒,天真活潑,有鮮明的律動感,有鮮明的場景感。」,

我係咪聽咗第首歌?

唔止係我呢啲港燦睇唔明兼唔buy,

內地網友以至媒體《新京報》都唔收貨,

批評歌詞有啲用字好似「快樂迪」,亦唔係上面嘅潮語。

有評論認為成份詞好有夾硬營造歡樂嘅感覺,

冇靈魂,亦冇理病人感受,甚至將災難場景唱到開開心心。

結果呢首歌好快就下架,但係主唱嘅范小朋友,就慘遭起底。

 

不過成首歌點睇都似曲線玩嘢,咁算唔算成功咗?

去片

最近的19+幾樣野

【自我隔離】父母救星!幾萬張填色畫 工作紙 完全免費

偽造病毒檢測報告 淘寶有得賣

有樣學樣 網紅舔廁所後疑似確診新冠肺炎

空貨架前來遲一步 伯伯背影睇見心酸

防脫髮變勁脫髮 絲打用錯洗頭水變火雲邪神

西洋明星戴口罩 邊個戴錯晒?

點洗手先最乾淨 紫外光燈照俾你睇