使用條款 | 私隱政策

點洗手先最乾淨 紫外光燈照俾你睇

 

洗手洗手洗手,用沙士講到而家嘅防疫口訣。

不過去完廁所,總係見到其他人沖兩沖就算。

講咗咁耐要捽足20秒,有幾可會有人咁好耐性?

 

洗足20秒有幾緊要?我唔直接答你,我用例子答你。

 

英國《每日郵報》就示範,唔同洗手方法可以洗走幾多細菌。

試驗前會搽上顯影gel,能夠令病毒細菌喺紫外光燈照射下發光,

影出嚟隻手越淺色同光猛,即係仲有好多菌。

 

先睇下未洗嘅手係點

再睇下以美國疾控中心指引,用清水同番梘洗足30秒嘅手。得返一點點細菌。

跟住係用水係咁意沖沖對手3秒,再fing乾佢。只可以話係「好過冇」!

 

跟住係用水沖6秒,再搵毛巾抹乾。好似手指少咗菌,但都因為係抹走咗。

咁洗法,殺唔到菌之餘,潮濕情況仲會令細菌更易散播。

之後係搽番梘捽6秒,起碼手背乾淨好多!

專家仲講解埋點解要用番梘︰唔係用嚟殺菌,而係可以將細菌同水分子連埋一齊,

沖水就可以一併帶走!

跟住係落埋番梘洗足20秒。見到效果未?不過手指甲都仲有少少菌,

可以捽多兩下。

由於酒精搓手液嘅殺菌效果未能喺呢種測試呈現,

所以並無示範,唔代表佢冇效。

酒精搓手液嘅原理同洗手唔同,就係利用酒精破壞病毒表層,

即係死咗嘅病毒細菌屍體依然喺你手上……

但係喺掂過公用物件之後,用酒精搓手液都係對防疫相當有效。

原文傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款