使用條款 | 私隱政策

有樣學樣 網紅舔廁所後疑似確診新冠肺炎

 

人人都防疫,居然有人趕住想中招。

新冠病毒爆發之後,睇過唔少人想借機上位,

例如喺飛機上話自己中招、扮喺地鐵倒瀉病毒樣本,

仲有上星期有位女子竟然喺飛機上舔廁所板,又話新冠肺炎係窮人先會中招!

 

既然咁多人鬧,即係好多人識啦!

有另一位網紅Larz照辦煮碗,喺公廁玩舔馬桶,仲要連「瀨」幾次!

去片

 

點知Larz條片放上網幾日之後,下一個post就已經見佢瞓喺病床上,

仲話自己中咗新冠病毒!

去片

 

係咪抵死?可能啦,因為第2條片冇咩嘢證明到Larz堅係中招。

而且呢位仁兄,都試過喺網片度,

示範喺超市雪櫃拎桶雪糕出嚟,舔完一啖再放返入去……

結果警察要上門拉人!

佢又聲稱係網上紅人Jake Paul團隊成員,不過對方已經否認。

 

睇返個twitter,佢搞咁多嘢,都係得唔夠一萬人like……

算吧啦你!

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal