使用條款 | 私隱政策

偽造病毒檢測報告 淘寶有得賣

 

而家好多國家都有出入境管制,一係唔俾非國民入境,

一係就要有文件證明,旅客係無新型肺炎癥狀先俾入。

 

其中泰國民航當局上星期公布嘅最新措施,尋日(22日)零時起,

所有入境泰國嘅外籍旅客,喺出發機場辦理登機手續時,

都必須出示喺出發前72小時內由醫療機構發出、未感染新型肺炎的醫學證明,

亦要有文件證明有買到針對呢個病嘅醫療保險證明,金額不能少於10萬美元,

有齊先可以拎登機證。

 

但係疫情當道,為咗飛一轉去搵醫院出張證明,會唔會太搵命搏?

唔怕!有facebook專頁就搵到,

淘寶有呢份入境泰國必需嘅病毒檢測結果報告賣,只需10蚊人仔,有埋英文版本!

而且仲「當天出貨,可定制」,

咁好嘅服務,10蚊抵到爛!

另一份保險證明呢?梗係有啦!仲平,3蚊人仔。

最抵死係產品介紹提埋你「全球機票低至6-9折」,

好似提你要去泰國shopping做spa而家係時候咁,頂多隔離14日囉!

類似嘅文件仲有專供入境英國用嘅版本,

證明淘佬好強大,咩都有得賣!

咁有生意頭腦,經過呢次疫症之後,一定好快可以彈返起。

原post傳送門

最近的19+幾樣野

美孚街坊見伯伯用爛口罩 即買兩盒捐增:喊出來

女傭偷口罩塞入褲內 放回原位讓僱主戴異味臭罩

疫情下遭裁員 港爸憂兒子起搏器費用跪求一份工

大圍名城租盤冷氣一開二 隔離房唔開冷氣點算?

中環老店尋貓酬乳豬 遭網民罵:為貓殺隻豬

泰國民運高唱「哈姆太郎」 創意背後令人心酸

NBA閉門復賽 300觀眾竟可「坐在場邊」

吉野家分店接連結業 致命因一個牛肉飯食譜?

小小超公司袋保就業$3.4億 發展網上睇醫生

宣道園登熱門搜尋 度假營鬼故成另類回憶