使用條款 | 私隱政策

【自我隔離餐】一個鐘食得 平板燒雞

呢期冇街去,個個都喺屋企煮兩味,

已經見過N咁多人整「古早味蛋糕」同埋「400轉咖啡」啦~~~

 

之但係呢啲點心咖啡,邊得飽肚呢?

 

霸氣啲嘅就不如整燒雞!

 

呢個方法嘅好處係近乎唔駛睇火,而且焗爐冇自轉功能都可以焗得均勻。

因為係將成條脊骨剪走佢,打平隻雞嚟燒!

咁就唔會「責」住一邊啲皮唔夠脆,又方便切嚟食。

重點係香港好多屋企個焗爐都未必塞得入一隻雞,

變成扁撻撻,得啦呱?!

 

材料

雞一隻(約4磅,即3斤左右)

鹽/黑椒

 

方法

- 將焗爐架設於頂部對落1呎左右

- 用廚剪將雞脊骨整條剪走,再將雞略為拍平

- 用刀喺雞身上拮幾個窿,然後用繩將一對雞脾綁好,並且將雞翼屈入雞胸旁邊

- 加適量鹽及黑椒醃一醃雞

- 燒紅一隻入得焗爐嘅平底鑊﹐落油,再將雞落鑊。注意︰雞皮向上。

- 將雞連鑊放入焗爐,將焗爐溫度校至華氏300度以上,焗25分鐘。之後將平底鑊的手柄轉至另一邊,再焗20分鐘,直至雞胸有華氏155度,或用叉拮入去見唔到血水為止。

- 將雞放上碟抖15分鐘。鍾意嘅可以喺焗完雞嘅雞汁度加蒜蓉同百里香等香草,浸到食得為止。

- 切件上碟,淋有香草蒜蓉雞汁,或者配以一角檸檬

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal