使用條款 | 私隱政策

同一條經濟不景氣問題 內地大學生一年內立場由驕傲變悲觀

 

相信經歷過呢一年嘅人,都會驚覺好多事情嘅變化可以有幾犀利。

一年前,你有冇諗過,要再戴返口罩出街、

好長時間唔駛返office、做gym睇戲食飯原來唔係想做就做?

 

內地知識互助平台「知乎」,主要內容係網友發問及回答各式各樣問題,

由此引發互動。

舊年有人發問2019年內地經濟不景氣原因,

有位叫「卡卡」嘅用戶,一開頭就用「經濟學本科生來教訓你一下」壓場,相當霸氣。

而佢嘅分析大意係有好多低質企業唔爭氣造成,

但呢個係國家發展必經之路,仲笑人「如果呢啲常識都冇,你唔配上知乎發問」。

最後「卡卡」仲話自己會去阿爸公司做嘢,補多句「天道酬勤,好自為之」收尾,

隔住個mon都見到一副趾氣高揚嘅模樣。

 

嚟到今年,有人喺「知乎」問「2020年搵工點解咁難」。

有眼利網友發現,舊年霸氣非常嘅「卡卡」都有留言,

但係語氣同經歷都大有不同。

自稱「經濟學本科生」嘅卡卡今年話自己因為家境問題,返唔到學畢唔到業,

而本來畢業後返屋企做生意嘅計劃,直情因為疫情搞到公司冇訂單而破產,

三層樓四架車全部變賣都仲爭人錢,日日俾人追債,惶惶不可終日。

 

輟學嘅卡卡搵唔到嘢做,連手機費都冇錢俾,直情話係「等死」、「絕望」同「痛苦」。

比起舊年叫人「天道酬勤,好自為之」,真係好大對比。

 

唯一不變嘅,可能就係「天道酬勤,好自為之」呢個道理。

原post傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款