使用條款 | 私隱政策

佐敦著過落場 第一代Air Jordan波鞋434萬成交

一對波鞋可以買一層樓?唯有「波神」Jordan做得到!

紀錄NBA名宿米高佐敦6奪總冠軍嘅紀錄片Last Dance剛剛全部播完,

呢期冇波睇,所有球迷睇返Jordan奮鬥史,只會更加欽敬。

 

Jordan個人波鞋Air Jordan(AJ)向來有價有市,

當年一出即刻被聯盟禁著嘅第一代(AJ1)更加係經典中嘅經典。

拍賣行蘇富比早前為一對曾經被Jordan著過嚟打比賽嘅AJ1舉行競投,

原先估計以10一15萬美金成交。

你以為寫得「原先估計」,即係會有「受疫情影響」呢個因素而唔到價?

傻啦!埋單係56萬美金,即係大約434萬港紙,夠買層樓啦!

 

點解咁值錢?有米高佐敦簽名,此其一;

另外,呢對鞋唔係大量生產製品,而係搵工廠特別製作俾米高佐敦落場著用,

根據鞋籠嘅號碼,呢對AJ1應該係1985年2-4月期間,

由譯音「東洋」、估計喺南韓嘅工廠製作。

嗰段時間正係AJ著AJ1落場嘅時間。

而拍賣行報告都有提到,呢對鞋雖然有少少耗損,但整體質素依然好高。

所以對鞋係貴,因為真係大有來頭。

想乘機買鞋再話「波鞋保值」嚟呃屋企人嘅巴打,算吧啦。

蘇富比拍賣專頁

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款