使用條款 | 私隱政策

南韓足球聯賽搵吹氣Mary扮觀眾 球會致歉

 

全球體育賽事停擺,南韓控制疫情表現理想,

當地職業足球聯賽重開,咁梗係冇現場觀眾,以免大爆發啦。

咁氣氛一定爭啲嘅,於是當地球會FC首爾就喺看台安排咗一批假觀眾 — 人形公仔!

紙板公仔太平面啦,球會得到贊助商協助,

提供30個立體球迷公仔,仲著晒波衫,有埋動作架。

 

但係點解呢班女球迷咁熟口面?

唔通佢地就係陪伴唔少巴打渡過寂寞夜晚嘅「吹氣Mary」?

 

有球迷一眼就認出,仲見到「觀眾」身上出現嘅贊助商標誌,

原來係一個成人片網站!

 

球會事後道歉,但係強調呢批「觀眾」唔係成人玩具,

只係「優質嘅時裝模型公仔」,不過供應商有生產成人玩具,

而事前冇check過間公司原來做呢門生意……

 

而贊助商就話,本來「觀眾」身上嘅標誌都會移走,

只係有部份喺唔覺眼地方嘅俾眼利觀眾捉到啫。

 

呢場波打成點?冇睇噃,但係相信球會同贊助商互相「交波」嘅腳法就相當俐落嘞。

原文傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款