使用條款 | 私隱政策

【抗疫煮食】納豆都可以自己整

榴槤、蜆芥、臭豆腐……幾重口味嘅食物都有市場。

有冇人都係納豆fans?

冇得飛,更加懷念日本「松屋」個早餐,

加納豆,冇得彈!

雖則香港有日本超市,但係既然呢幾個月乜嘢食你都DIY過,

要唔要連納豆都試下自己整?

 

材料好簡單,就係黃豆……同埋一包納豆。

係!用納豆整納豆,係日本一位記者研究到嘅方法。

聽落好似好廢,但係一盒仔納豆整出一大盤喎,計落有so!

 

步驟1

先將500克黃豆放入碗中浸水一晚,碗面加保鮮紙冚好。

步驟2

將浸過嘅黃豆沖水洗淨,然後加水放入煲裡面煮熟。

示範係用壓力煲煮25分鐘,冇壓力煲的話可以用中火煮到稍為腍身就得。

步驟3

將煮好嘅黃豆沖水瀝乾,然後同納豆撈勻,放入碗中並用保鮮紙蓋好,

並且放喺有陽光照到嘅地方發酵。

納豆份量多少視乎……你有幾多納豆囉,

因為多納豆的話,發酵過程快啲完成。

晒一日就會出現納豆特有嘅黏液喇~

有網友話,呢款DIY納豆,味道冇咁重,適合「新手」試食。

至於晒耐啲會唔會更濃味,就要你試下嘞。

記住,聞落陣味太酸醙就唔好食啦。

原文傳送門

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal