使用條款 | 私隱政策

6位數月薪掛名返工 企業高層打官司求公司炒佢

 

又到月尾,望住份糧同工作量不成正比,真係心酸。

 

你做到死,有人唔駛做有6位數落袋,反而唔恨!

仲要打官司求公司炒佢。

 

全球2大水泥企業 Lafarge SA 同Holcim,基於建築物料市場需求下降以及減少成本嘅原因。

喺2015年合併。

同類公司合併即係要請員工食「肥雞餐」以減少資源重疊啦,

 Lafarge SA嘅高層Antoine Zenone以為可以袋錢走人,

點知公司唔俾佢走,因為Antoine之前答應派去新加坡工作,

身份上係海外員工,唔符合資格。

由於合併條款問題,新加坡嗰邊照舊分成2間公司,

Antoine去新加坡只係做到其中一間公司嘅CEO。

2年前Antoine調回老家法國,公司安排個經理級嘅位俾佢,咁梗係唔制啦。

結果Antoine每月糧照出,但就被投閒置散,佢於是告上法庭,

認為當日答應派去新加坡,係喺公司宣布合併前2日,

以為到時係會做當地合併後分公司嘅話事人。

如果佢知道唔係咁樣,就會選擇收錢走人。

 

根據法庭文件,Antoine每個月袋緊1萬6千幾歐羅人工,折合港紙13萬8千!

而家Antoine希望公司炒佢,並且按「肥雞餐」計法補返2百萬歐羅,

即係近1800萬港紙。

 

法庭最後判Antoine敗訴,認為佢嘅理據唔充份,

因為即使合併失敗,Antoine仍然完成任務,

而且公司並無相關責任確保新加坡嗰邊嘅合併能夠完成。

 

咁即係點?Antoine可以繼續月袋十幾萬但係冇嘢做囉!

原文傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款