使用條款 | 私隱政策

大圍名城租盤冷氣一開二 隔離房唔開冷氣點算?

疫情下本港樓價仍然高企,大圍更出現「騎呢」租盤,冷氣竟要兩間租房共用!

有網民在高登討論區分享一個招租廣告,稱沙田大圍名城有「共享家居」招租客,房間租金由每月$5000至$8300不等,租盤以包水電、鄰近鐵路站、室內已豪裝作賣點。

不過,有眼利網民發現,相中的房間冷氣竟然「一開二」,即是兩間房、兩個租客要共用一部冷氣。網民紛紛熱議「如果好熱但隔離房唔想開冷氣點算?」有網民笑指「一齊開25.5度」; 有人提議「攝塊膠片過去封住佢果邊啲風口」,又有人戲稱如果隔離房的租客是一位美女,則不會介意。

此貼文也有網民分享,其親戚住在屬於$8300的大房,可是「OVER150CM既人係唔可以打直訓張床」。不少網民都感嘆本港樓價高,收入不高的人士只能住「騎呢」地方,又或者要捱貴租才有一個「蝸居」。

 

到底名城是一個怎樣的屋苑呢?房間租金$5000至$8300合理嗎?

 

翻查資料,名城第一期於2010年落成,即10年樓齡。整個屋苑由12幢大廈組成,提供約4,328個單位。

 

招租廣告其中一個租盤為二座三期,二座於上個月(2020年7月)有至少三宗成交紀錄,實用面積900多呎,成交價由1100多萬元至1400多萬元不等,亦有同座樓盤於本月叫價1500萬元,呎價超過萬五元,月供3萬多元,難怪網民討論「隔離房唔開冷氣點算?」來苦中作樂了!

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款