住鴨脷洲邨話住海怡？住何文田邨話住何文田站隔離？你身邊有這種朋友嗎？

近日網民在討論區熱議，指有公屋戶朋友在外人面前，假扮自己住私樓，例如住鴨脷洲邨話住海怡，住何文田邨話住何文田站隔離。網民質疑，為何不能大方承認自己住公屋，而要欺騙朋友。

有留言的網友就指，身邊也有朋友如此，「追求者送佢番屋企，都叫佢送到附近私樓，然後自己行番去。」」

大批網友紛紛發表意見，討論住公屋而「唔見得光」的原因：

「公屋攞社會錢仲加衰多幾倍，邊個夠膽認？」

「扮住私樓係因為知道受社會資助，有羞恥之心唔想人知。」

亦有人認為「住公屋招人羨慕」，所以要保持低調。到底是出於自卑，還是不想人妒忌自己有公屋住呢？可能只有當事人才知道心態。

同時有人指出，除了住公屋扮住私樓的人，亦有人相反地住私樓扮住公屋。

「我識嘅人多數係住私樓甚至獨立屋，然後扮自己好窮住劏房。」

「有錢扮冇錢，唔想親友問他借錢。」

「我倒返轉， 費事公司入面班窮人眼紅。」

無論如何，住屋問題的大話都講不到一世，不論是富是窮，當被朋友知道自己不誠實，只會更加尷尬。做朋友，應該以坦誠為貴，大家三思！

（圖：電影幻愛及點五步劇照）