使用條款 | 私隱政策

網上訂放題已預先付款 食客到餐廳竟無檯 老闆:訂完要再book

有網民分享訂座放題的不愉快事件,指日前光顧一間新店位於新蒲崗的蒸海鮮放題餐廳,明明已完成網上訂座及按指示預先付款,但到餐廳後老闆卻指「無檯俾你喎」⋯⋯

 

Facebook專頁「放題王」發文分享,指日前光顧一間餐廳食蒸海鮮放題,餐廳剛搬進新蒲崗,於是前往嘗試新店。該餐廳在OpenRice沒有提供訂座服務,食客需要透過其Facebook專頁到訪另一網站訂座,並需要預先付款,「價錢無優惠,只係upgrade你個餐多少少嘢咁」。

 

「放題王」表示按足指示完成付款及選擇時間訂座,當日準時到餐廳,準備享用放題。

 

可是餐廳卻指沒有「放題王」的訂座,老闆表示「你網上book㗎?你網上book你要whatsapp俾我地落返booking先得㗎嘛!」

 

「放題王」表示「個網無寫要whatsapp喎,同埋要揀埋日期同時間先pay錢」,反問餐廳老闆「咁pay完又要再whatsapp咁揀黎做咩?」奈何餐廳老闆仍堅持指「無檯俾你喎,一係你半個鐘後再過黎啦」。

 

由於已付款,「放題王」表示只好等到有位,期間更發現有另外兩位食客同樣遇到相同情況,「錢都俾咗,走又走唔到」,無奈之下只好繼續等位,但「心情同胃口就打晒折扣」。

 

最後「放題王」都有光顧該餐廳,有關食評請按觀看原文

 

不少網友都在Facebook「畀嬲嬲」,認為餐廳做法不對,更有網友呼籲「放題王」將餐廳「開名」。大家又有沒有試過類似經歷?

 

圖片:放題王 Facebook專頁 

最近的19+幾樣野

台警察局惡搞iPhone 13廣告?局長呼籲勿超速 網民讚:太Pro了

食剩半碗「譚仔米線」網上$20求售 賣家盼「唔使浪費食物」嚇窒網民

屋苑中秋燈飾似金橋銀橋?街坊疑惑:我住馬鞍山定寶福山?

$400慢煮牛扒滲血水 港男呻血腥:當我吸血鬼? 有網民反批唔識食

超速私家車疑用巴士「單檔」避快相 車長收油助執法 網民大讚心涼

CCTV揭中年男女帶女童疑用密封紙箱棄眼疾貓 網民怒轟最壞身教:他朝君體也相同

港女爆粗鬧車長要求開門 現身辯稱「司機玩嘢」 九巴fb出圖教人落車 網民讚靚抽

全城集氣|四歲心漏小鐵漢待開第六刀 手術風險極大 倘順利完成可健康成長

屯門骨灰龕場$1.3萬請保安 要求唔怕黑唔怕鬼 網民:最怕人工低

另類流行經典50年|「落街無錢買麵包」「零霖六長三六」東方貓王鄭君綿 他就是《審死官》的⋯⋯